काठमाडौँ, १५ मंसीर । माओवादीले केन्द्रीय नेतृत्वमा रहेका कसैलाई पनि समायोजनमा नपठाउने निर्णय गरे पनि दुई केन्द्रीय सदस्यका हकमा भने उक्त निर्णय लागू नहुने सम्भावना देखिएको छ । माओवादी उच्च सूत्रका अनुसार पार्टी केन्द्रीय सदस्यसमेत रहेको सातौँ र तेस्रो डिभिजन कमान्डहरूले पनि सेनामा समायोजन हुने भन्दै पार्टी नेतृत्वको घर धाउन थालेपछि यस्तो सम्भावना देखिएको हो ।
माओवादीले यसअघि पार्टी केन्द्रको निर्णय भन्दै केन्द्रीय सदस्य पदमा रहेका कुनै पनि कमान्डरहरूलाई समायोजन प्रक्रियामा सहभागी नगराइने जानकारी गराएको थियो । तर, सेनामा समायोजन हुँदा केही महत्वपूर्ण पदहरू पनि पाउने भएपछि उक्त पदमा समायोजित हुन केन्द्रीय सदस्यसमेत रहेका कमान्डर लालायित भएका हुन् ।
